Там, дзе ранеты на золку
свой пачынаюць «дэсант»,
росніцай Верасень золка
мерае крокамі сад.
Ціха ступае, няспешліва
паміж падпорак з арэшніку.

Падаюць сонцы асеннія,
яснасцю поўнячы след,
мудрасцю добрага Генія
падаюць проста ў Сусвет.
Без шкадавання і роспачы,
адтэрміноўкі не просячы.

Як бы хацеў навучыцца я
мудрасці іхняй спрадвечнае,
промнямі год асвяціць сваіх
пройдзены шлях перад Вечнасцю…
Літасці ў лета не просячы,
рушыць у сад сваёй Восені.

• Эдуард Акулін — Журавіны бяруць жанчыны...
• Канцона
• Эдуард Акулін — Прыйдзе час, і яна міне...
• Рыгор Крушына — Канцона
• Творчасць Эдуарда Акуліна