Забытых гусляў гукі.
Салодкі напамін.
Плылі стамлёна рукі.

Над безданню разлукі
зацвіў зімой язмін.
Забытых гусляў гукі.

Гучалі без прынукі
у квецені галін.
Плылі стамлёна рукі.

З гадамі сэрца мукі
гарчэюць, як палын.
Забытых гусляў гукі.

Плывуць стамлёна рукі…

• Творчасць Эдуарда Акуліна
• Рыгор Крушына — Вілянэль
• Эдуард Акулін — Журавіны бяруць жанчыны...
• Віланэль
• Міхась Кавыль — Вілянэль