Як малое птушанятка,
Перабег лісток дарожку.
Кінуўся за жоўтым статкам,
Мільганулі толькі ножкі.

Закружылі па асфальце
За чародкаю чародка.
Любыя, не адлятайце –
Будзе вырай ваш кароткі.

Зменіцца зіма вясною,
Узляціце зноў на дрэвы.
Зноў шчасліваю парою
Я пачую вашы спевы.

• Віктар Гардзей — Залаты лістапад
• Васіль Вітка — Лістапад
• Станіслаў Шушкевіч — Лістапад
• Эдуард Акулін — Асенні рытурнэль
• кінафестываль-лістапад