Выйшлі дзеці на лужок,
на зялёны муражок.
На лужок
на муражок
і пасталі
у кружок.

– Пачакайце трошачку,
мы станцуем
«Козачку»!..

А козачкі белыя
па мураўцы бегалі.
Па мураўцы –
скок ды скок,
патапталі
ўвесь лужок.

Казляняты выбеглі:
– Што ж вы траўку выбілі?!
Ножкамі
затупалі,
рожкамі
застукалі.

Тут пастушка
выйшла ў круг:
– Не тапчыце, козкі, луг!
Рожкамі
не стукайце,
ножкамі
не тупайце!

А вясёлы пастушок
задудзеў тады ў ражок:
– Ду-ду-ду!
Ды ду-ду-ду!
З вамі ў скокі я пайду!

Ах, як добра на лужку,
на зялёным муражку!
Мы б скакалі зноў і зноў,
але нам пара дамоў!

• Станіслаў Шушкевіч — Козачка-свавольніца
• Біяграфія Віталя Вольскага
• Артур Вольскі — Пагоня
• Віталь Вольскі — Несцерка
• Біяграфія Артура Вольскага