А чые там
дзіва-коні
абганяюць час?
Гэта едзе
ў ззянні-звоне
сонейка да нас.

Конь чырвоны –
пасяродку.
Белыя –
з бакоў.
Скачуць хутка.
Скачуць ходка.
Іскры з-пад падкоў.
Рыцар
побач з імі ў гонцы.
Меч,
як звон,
звініць.
Ён ад хмараў
наша сонца
зможа ўбараніць.

У Пагоні
скачуць коні
у світальны час.
Гэта едзе
ў ззянні-звоне
сонейка да нас.

• Васіль Зуёнак — У люстэрку Свіцязі
• Максім Танк — Ты чуеш, брат...
• Іван Пташнікаў — Пагоня
• Уладзімір Жылка — Покліч
• Алесь Бадак — Пагоня