Берагі кісельныя,
Рэчанька малочная.

З казак маленства

У раі панэльным,
Блочна-падаблочным,
Бераг сню кісельны,
Рэчаньку малочную.
Поле нетаптанае
Жаўруком агучана.
Я лаўлю Буланага,
Еду на заручыны.
З любаю абедаю
Над высокай кручаю.
Мы яшчэ не ведаем,
Што наш край атручаны.
Думы ў нас вясельныя,
Песні ў нас нязмрочныя…
Берагі кісельныя,
Рэчанька малочная.

1987

Крыніца: Пісьмянкоў А. Я не памру, пакуль люблю: Выбранае. – Мн.: Маст. літ., 2000. – 319 с.

• Мікола Мятліцкі — Санеты Чарнобыля
• Максім Танк — Самае доўгае расстанне
• Пімен Панчанка — Аб самым смачным...
• Тэма Чарнобыля ў беларускай паэзіі
• Артур Вольскі — Боль Чарнобыля