Верабейчык, верабей,
Шэранькая птушка,
Не цвілікай на вярбе,
Не будзі дачушкі.

Спіць яна салодкім сном
На падушцы белай,
І прыціх увесь наш дом,
Быццам анямелы.

Толькі ты адзін у нас
Гэткі несвядомы:
На галінцы ля вакна
Ціўкаеш без стомы.

Ці маленькіх у цябе
Не было ніколі,
Што ля дому на вярбе
Ты шуміш, сваволіш?

• Алег Лойка — Два шчырых словы
• Алег Лойка — Сівы конік
• Алег Лойка — Над Шчарай
• Алег Лойка — Радзіме
• Алег Лойка — Скачуць, скачуць жарабяткі...