Ручайкі вясновыя
Ціха зазвінелі.
Коцікі пуховыя
На вярбу прыселі.

Разявілі роцікі,
Не ідуць у дом!
Поіць сонца коцікаў
Цёплым малачком.

Дзеці ўсе любуюцца,
Але ўзлез на плот,
Злосна касавурыцца
На іх Васька-кот.

Не сказаў ні слова ім,
Ну і што з таго?
Коцікі пуховыя –
Дзеці не яго.

• Яўген Крупенька — Алёнка
• Яўген Крупенька — Мама хлеб дзяліла
• Яўген Крупенька — Просіць Верачка гусей
• Яўген Крупенька — Ёсць у кожнага з нас...
• Яўген Крупенька — Зайка, дзе, скажы, твой дом