Жанчына — сасуд без дна…
Дакладней — Сусвет сусветаў.
Сам Бог у яго віна
наліў, каб натхняць паэтаў.

Заблудзяцца ночы ў днях
у пошуках апахмелкі…
Жанчына — сасуд без дна
для тых, хто душой нямелкі.

Камусьці — фрагмент рабра,
узноўлены клон Адама…
А мне — акіян святла —
Каханая, Муза, Мама.

• Віктар Карамазаў — Жанчына ў чорным і Афган
• Сяргей Грахоўскі — Плача жанчына
• Анатоль Вярцінскі — Жаночая гордасць
• Янка Сіпакоў — Жанчына
• Генадзь Бураўкін — Жанчын прыгожых трэба берагчы...