Ёсць звон ручая, ёсць свежасць рос,
ёсць веліч вяршыні горнай.
I ёсць яшчэ адно з дзівос,
гэта — жаночая гордасць.

Яна — не прыхамаць, не капрыз,
не д'ябальская забава.
Глянуць адчужана зверху ўніз —
святое жаночае права.

Ёсць нешта ў ёй ад гор і зор.
Ды ўсё-ткі зямны яшчэ болей
позірк яе, яе дакор —
аснова зямной любові.

Ёсць ветра бег, ёсць каханне наспех,
смех, грубы ў сваёй прыроднасці…
Самы вялікі мужчынскі наш грэх —
грэх супраць ясаночай гордасці.

• Сяргей Грахоўскі — Плача жанчына
• Генадзь Бураўкін — Жанчын прыгожых трэба берагчы...
• Віктар Карамазаў — Жанчына ў чорным і Афган
• Янка Сіпакоў — Жанчына
• Эдуард Акулін — Жанчына