Калі б магла вясёлку з неба зняць,
Я падарыла б маме.
Каб з хмарак я магла дыван саткаць,
Я падарыла б маме!

Пралескі ўсіх лясоў і стужкі рэк
Я падарыла б маме.
I ласку, і цяпло на доўгі век
Я падарыла б маме!

Святло бяроз і песеньку малой
Сініцы сінякрылай –
Хачу паднесці ўсё, што мне самой
Матуля падарыла.

• Эдзі Агняцвет — Саўка за сталом
• Эдзі Агняцвет — Зямля з блакітнымі вачамі
• Эдзі Агняцвет — Хто пачынае дзень?
• Жыццё і творчасць Эдзі Агняцвет
• Эдзі Агняцвет — Ціхі вечар