Восень прайшла пералескамі,
Па няголеным ржышчы ніў,
Чырвонымі арабескамі
Лісце лес ураніў.
Глянь на зямлю залатую,
Пяшчотную, сумную, чыстую,
Нехта па ёй вандруе,
Ў паветра ўзнімаючы лісце.
Струменьчыкам тонкім лісце.
Медзь на азёрах сплывае,
Сум у небе імглістым…
Як песня, з галін злятае
Лісце, лісце,
Залацістае лісце,
Сто лісцяў,
Дзесяць лісцяў,
Ліст.

• Аркадзь Куляшоў — Ліст з палону
• Анатоль Грачанікаў — Як ападае ліст...
• Еўдакія Лось — Мінулагодні ліст
• Уладзімір Караткевіч — Лісце каштанаў
• Творчасць Уладзіміра Караткевіча