Раз, два, тры, чатыры, пяць –
добра раненька ўставаць.
З самага пачатку
я раблю зарадку.

Чышчу зубы, мыю вушы,
пяць хвілін стаю пад душам -
дожджык хвошча па спіне,
дожджык слухае мяне.

То ён цёплы, то халодны,
то калючы, то лагодны.
Раз, два, тры, чатыры, пяць –
добра раненька ўставаць!

• раніцою
• Якуб Колас — Раніца вясною
• вясновая-раніца
• Авяр’ян Дзеружынскі — Летняя раніца
• Язэп Пушча — Раніцу шчэбет пільнуе ...