Захварэў пявун, ахрып,
Быў у пеўня страшны грып.
Маці – курыцу-квактуху –
Не любіў, крыклівы, слухаць.
Швэндаўся па садзе босы,
Абтрасаў на траўцы росы,
Пасля гульняў, прапацеўшы,
Ён крычаў, на плоце сеўшы.
Па халодных лазіў лужах,
Вось таму і занядужаў.

1957

• Станіслаў Шушкевіч — Свавольнікі
• Станіслаў Шушкевіч — Па лісточку поўзаў смоўж
• Станіслаў Шушкевіч — Камарык
• Станіслаў Шушкевіч — Верабейка
• Станіслаў Шушкевіч — Знатныя лісічкі