Хлопчык сцежкаю ідзе
Ды іграе на дудзе.
Дзесяць дзірачак у ёй,
А у кожнай голас свой.
Плыве музыка да хмар,
Грае хораша дудар.
Аж хістаецца чарот,
Проста просіцца ў паход.
Каля рэчкі асака
Прыпусцілася скакаць.
Салаўіны гай прыціх,
Слухаў музыку ў той міг,
Дударыку, заіграй,
Хай пачуе ўвесь наш край!

1957

• Станіслаў Шушкевіч — Знатныя лісічкі
• Станіслаў Шушкевіч — Камарык
• Станіслаў Шушкевіч — Верабейка
• Станіслаў Шушкевіч — Свавольнікі
• Станіслаў Шушкевіч — Па лісточку поўзаў смоўж