I сны, і мары – музы чары –
Ствараюць казку дзіўных дзён.
I думак цэлы легіён
Снуецца ў сонечным абшары;
Далёкі спеў ужо чуцён.

Празрысты свеціцца вялён
Праз цёплы подых лёгкай пары…
Прыемны мне прыносяць плён
I сны, і мары.

Мне сніцца дом і пышны клён,
I ўжо няма ніводнай хмары.
Адно цвітуць, цвітуць як лён
I сны, і мары.

• Рыгор Крушына — Чалавек
• Біяграфія Рыгора Крушыны
• Рыгор Крушына — Секстына
• Рыгор Крушына — Тэрцыны
• Рыгор Крушына — Крушына