Павыйдзіце з былінных курганоў,
Зямлі маёй былінныя героі.
Крылаты прывід смертаноснай зброі
Ваш сон зямны сягоння будзіць зноў.

Пачуўшы вашы раці за спіной,
Лягчэй ступаць пуцінаю зямной.

I вы, хто спіць бясслаўна у зямлі
У спратах дзён аджытых, паўзабытых,
Сягоння абзавіцеся з нябыту —
Адкуль і хто вы?..
I на што ішлі…

Пачуўшы вашу згубу за спіной,
Лягчэй ступаць пуцінаю зямной.

• Мікола Мятліцкі — Бяссмертнік
• Творчасць Міколы Мятліцкага
• Мікола Мятліцкі — Усмешка Джаконды
• Мікола Мятліцкі — Яніха
• Мікола Мятліцкі — Чаканне сонца