Глінянага пеўніка
Мне падарылі.
Гліняныя ў пеўніка
Ножкі і крылы.

Хвост пер’ем гарыць,
І грабеньчык іскрыцца,
І свецяцца вочы,
Нібыта суніцы.

Ён самы прыгожы
З глінянай сямейкі.
Ну, пеўнік як пеўнік,
Ды дзіўны ён нейкі.

Пяюць галасістыя
Пеўні ў дварышчы.
А мой не спявае.
А мой толькі свішча.

• Алесь Бадак — Белы Пеўнік
• Рыгор Барадулін — Пеўнік-весялун
• Станіслаў Шушкевіч — Хрыпаты пеўнік
• Казімір Камейша — Адкуль прыйшоў гліняны пеўнік
• Анатоль Грачанікаў — Задача