Памяці Жэні Янішчыц

Жэня, Жэня!..
Што ж ты нарабіла?..
Як жа мы цябе не збераглі?!.
Жорсткім ветрам паламала крылы
Ластаўцы зняверанай зямлі.

Зноў з тупым адчаем і з журбою
Мы цябе пакінулі адну.
І – не замаліць перад табою
Горкую балючую віну.

Сумная, запозненая пошта
Больш не прынясе твае лісты…
Ластаўка палеская,
Навошта
Гэтак рана адляцела ты?..

1988

• Яўгенія Янішчыц — Свята пірага
• Творчасць Яўгеніі Янішчыц
• Яўгенія Янішчыц — Ты пакліч мяне. Пазаві...
• Яўгенія Янішчыц — Мова
• Яўгенія Янішчыц — Каліна зімы