Хлопчык глянуў на вярблюда:
– Вось няўклюда, дык няўклюда!
І нязграбны, і грубы,
І на спіне два гарбы,
Але гонару ў вачах,
Нібы ён султан ці шах.

Запярэчыў я адразу:
– Лепш назад вазьмі абразу!
На вярблюда грузяць людзі
Велізарныя цюкі.
Едуць людзі на вярблюдзе
Праз зыбучыя пяскі.
Па барханах, як па хвалях,
Ён ступае дзень за днём.
Нездарма яго назвалі
Сухаземным караблём.
Колькі так, па бездарожжы,
Ходзіць ён – не ўзяць на ўлік.
Ён таму ўжо і прыгожы,
Што сапраўдны працаўнік!

• Віталь Вольскі — Несцерка
• Артур Вольскі — Вожык-дзівачок
• Біяграфія Артура Вольскага
• Артур Вольскі — Пагоня
• Біяграфія Віталя Вольскага