Не адчувае лес зямлі –
Зімою лес бліжэй да неба.
Спяваюць белыя чмялі
Аб тым, што кветак ім не трэба.
З вятрамі, з хмарай снегавой
Сасна птушыная ў палёце.
Спяць кажаны ўніз галавой
Насуперак зямной прыродзе.

Зямля замерзлая – як дом,
Хавае ўсё, чым жыць павінны,
І свеціць блізкім аганьком
Пад лёдам ягадка каліны.

• Аляксей Пысін — Туман
• Аляксей Пысін — Домскі арган
• Аляксей Пысін — Забыта многае ў жыцці...
• Аляксей Пысін — Пісьмо птушак
• Творчасць Аляксея Пысіна