Суніц у зялёнай
Дуброве нямала.
Там з мамаю Тоня
Суніцы збірала.

Дала мама Тоні
Маленькі збаночак.
Ды Тоня ў збаночак
Суніц браць не хоча.

– Ой, мама, пакіньма
Суніц хаця крышку
Вавёрцы, зязюльцы,
Камарыкам, мышкам;

А мо і мядзведзіха
З дзецьмі таксама
Захоча суніцаў,
Як Тонечка з мамай.

Дык чым жа сунічнік
Гасцей пачастуе,
Калі ўсе суніцы
Ў збаночак збяру я?!

• Уладзімір Ягоўдзік — Суніцы
• Сяргей Грахоўскі — Сунічкі
• Аляксей Якімовіч — Падзяка
• Казімір Камейша — Суніцы
• суніцы