творы:алег-лойка:алег-лойка-суніцы
Алег Лойка — Суніцы
Суніц у зялёнай
Дуброве нямала.
Там з мамаю Тоня
Суніцы збірала.
Дала мама Тоні
Маленькі збаночак.
Ды Тоня ў збаночак
Суніц браць не хоча.
– Ой, мама, пакіньма
Суніц хаця крышку
Вавёрцы, зязюльцы,
Камарыкам, мышкам;
А мо і мядзведзіха
З дзецьмі таксама
Захоча суніцаў,
Як Тонечка з мамай.
Дык чым жа сунічнік
Гасцей пачастуе,
Калі ўсе суніцы
Ў збаночак збяру я?!
Падобныя старонкі
творы/алег-лойка/алег-лойка-суніцы.txt · Апошнія змены: 2025/08/23 16:03 — vedybeadmin