Дружа мой!
Хочаш,
Я падарую табе
Самае-самае дарагое,
Што помню?
Я падарую табе
Ручавінку дыму
Над маёю роднаю вёскаю,
Над маёю ціхаю хатаю,
Над нашым шаноўным комінам,
Бруйку дыму,
Якую я берагу з дзяцінства
I якая пахне і сёння мне
Толькі што спечаным
Хлебам…

• Янка Сіпакоў — Заміра
• Янка Сіпакоў — Перавернуты
• Янка Сіпакоў — Лета з мятлушкай
• Янка Сіпакоў — Клетка
• Янка Сіпакоў — Як спакайней?