Цвет вішні бела-ружаваты
Глядзіцца ў нашае вакно
Й нібы гаворыць, што даўно
Вясна ўжо ходзіць каля хаты.
Твае смяюцца вачаняты
I грэюць сэрца мне ізноў.
Цвет вішні бела-ружаваты
Глядзіцца ў нашае вакно.
Жаўрук спявае, як наняты,
Яго ў паднеб’і не відно,
Ды спеў яго такі багаты!
П’яніць мяне, нібы віно,
Цвет вішні бела-ружаваты.

20 красавіка 1992 г.

• рандэль
• Янка Золак — Прыйсце
• янка-золак
• Янка Золак — Божа Ўсяўладны
• Янка Золак — Газэла