У калгасе нашым Янка –

Слаўны баяніст,

Камсамолец працавіты, –

Добры трактарыст.

Сёння ў клубе вечарынка

Ўжо шуміць даўно.

Пазірае ў клуб лагодна

Месяц праз акно.

Во дзяўчаты заспявалі,

Янка ўміг да іх.

Ён усіх баянам цешыць –

Маладых, старых.

Заспяваў Янук пра Нёман, –

Клуб увесь прыціх.

Спеў прывабны, спеў натхнёны

Захапляе ўсіх.

А як рушыў Янка ў танцы –

Задрыжэў наш клуб,

Бура воплескаў навокал:

Янка ўсім нам люб.

У калгасе нашым Янка –

Слаўны баяніст,

Камсамолец працавіты, –

Добры трактарыст.

Крыніца: Журба Я. Вершы. Мн., «Нар. асвета», 1970. – 144 с.

• Янка Журба — Вясна ідзе
• Янка Журба — Братняй Украіне
• Янка Журба — Коцік
• Жыццёвы і творчы шлях Янкі Журбы
• Янка Журба — Залацісты вечар дагарае...