Набліжалася восень да нас
ціхутка.
Уцякала лета ад восені
хутка.

Пагубляла, ўцякаючы, лета
уборы.
А яны – у амшарах, у пушчы, –
як зоры.

Як чырвоныя зоры, каліна,
брусніцы.
Ў іх пра новае лета надзея
ільсніцца.

1958.

Крыніца: Дубоўка У. Выбраныя творы: у 2 т. Т. 1. Вершы. – Мінск: Беларусь, 1965. – 540 с.

• Уладзімір Дубоўка — Паляжам мы
• Лірыка Уладзіміра Дубоўкі
• Уладзімір Дубоўка — Часіна ды з сокам рабіны...
• Уладзімір Дубоўка — Як сінячок да сонца лётаў
• уладзімір-дубоўка