Бялее снег пушысты.
Сняжынкі навакол,
Нібы парашутысты,
Спускаюцца на дол.

Ад гэткай прыгажосці
Скакаць і пець хачу.
– Адкуль, адкуль вы, госці? –
Гарэзліва крычу.

– Мы з ледзяной дзяржавы,
З адвечнае зімы.
I снежныя забавы
Нясём з сабою мы.

Нясём мы бабу снежную
На срэбраным крыле,
Нясём пургу мяцежную,
Што скача на мятле.

Ляцім мы ўсе здалёку.
Нас на зямлю з нябёс
Паслаў яго высокасць
Мароз, Чырвоны нос.

• першы-снег
• Казімір Камейша — Першы снег
• першы-снег-3700
• Якуб Колас — Першы снег
• Васіль Жуковіч — Ляцяць сняжынкі