Глядзі, які дзянёк цудоўны:
ляцяць сняжынкі ў цішыні,
прыслухайся – ледзь-ледзь улоўны
ідзе шумочак з вышыні.

Ляцяць сняжыначкі павольна,
зачараваныя зямлёй,
ім гэтак лёгка і прывольна
над лесам, полем, над ракой.

Ляцяць сняжынкі з сівай хмары,
як матылёчкі на святло,
і ўсё пра іх, здаецца, марыць –
і лес, і поле, і сяло.

• Пятрусь Макаль — Бялее снег пушысты
• Васіль Жуковіч — Слухай родную прыроду
• Васіль Жуковіч — Першы снег
• Васіль Жуковіч — Адляцелі жураўлі
• Васіль Жуковіч — Жураўліны вырай