Вечар за пазухай поўню трымае,
Паказваць скалелай зямлі не хоча.
Па дрогкіх рэйках бягуць трамваі,
У цемры гараць электрычныя вочы.

Снег на зямлю баіцца ўпасці.
Пад сінім ільдом халадзее планета.
Шчасця няма. Ёсць сум аб шчасці.
Хопіць і гэтага для паэта.

• Максім Багдановіч — Не кувай ты, шэрая зязюля...
• Пімен Панчанка — Прысніўся сон
• Элегія
• Аркадзь Куляшоў — Элегія
• Максім Танк — Ой, не гніце, ветры