Між кустамі
Між густымі
Скок ды скок,
Бегаў зайка, прытаміўся,
А за дрэвам прытаіўся
Люты воўк.

Зайка скокнуў без аглядкі,
Воўк хацеў хапіць за пяткі
Ды за бок.

У адчыненыя дзверы
Да бабулі зайка шэры
Хутка скок.

Бабка заіньку пусціла,
Прытуліла, накарміла.
А дзядуля злога воўка
Напалохаў дубальтоўкай.

А ты, заінька, глядзі –
У лес без мамы не хадзі.

• Яўген Крупенька — Зайка, дзе, скажы, твой дом
• Юрась Свірка — Зайцава капустай
• Аляксей Якімовіч — Вось дык суседзі!
• Алесь Якімовіч — Казка пра смелага вожыка
• Ядвіга Бяганская — Петрусёў гадаванец