Бегаў зайчык па сумётах.
Пагубляў панчошкі.
Акалелі, азалелі
Зайчыкавы ножкі.

Босыя сляды на рэчцы
Як пабачыў Вася,
Клікаў зайчыка пагрэцца,
Ды не дагукаўся.

Дзе лядок,

дзе сняжок,

Зайчык – коўзь,

зайчык – скок,

У лясок дарожка:

Трэба воўну шукаць,
Ніткі прасці і сукаць,
Трэба зайчыку вязаць
Новыя панчошкі.

• Васіль Зуёнак — У грымотах ашалелых веку...
• Васіль Зуёнак — У люстэрку Свіцязі
• Біяграфія Васіля Зуёнка
• Васіль Зуёнак — Гаварыла маці...
• Васіль Зуёнак — Сон