Наш аркестрык сямейны
ён крыху малаваты,
ды заўсёды надзейны:
мы усе з адной хаты.

Грае маміна скрыпка,
грае татаў баян.
І, вядома, не дрэмле
побач мой барабан.

Наш вясёлы аркестрык
дружны, хоць малаваты,
дырыжора-маэстра
не чакаем на святы.

Грае маміна скрыпка,
грае татаў баян.
Хто галоўны ў аркестры?
Можа, мой барабан?

Мы суседзям ігралі,
і суседзі сказалі,
што нам час падавацца
ды на сцэну палаца!

Грае маміна скрыпка,
грае татаў баян.
Хто галоўны ў аркестры?
Змоўкні ты, барабан!

• Васіль Жуковіч — Слухай родную прыроду
• Васіль Жуковіч — Адляцелі жураўлі
• Васіль Жуковіч — Першы снег
• Васіль Жуковіч — Зіма
• Васіль Жуковіч — Жураўліны вырай