Свята песенькай сустракаем,
вясну весела мы гукаем:

«Жавароначкі, прыляціце,
цёпла лецейка прынясіце».

Ходзім радасна карагодам.
Выглянь, сонейка, дай пагоду!

Шчасце-долечку мы гукаем,
мы зямлю сваю адмыкаем.

«Жавароначкі, прыляціце,
зямлю-матухну абудзіце».

Жыта-жыцейка хай рунее,
кветкі-красачкі хай квітнеюць.

Свята шчырае мы сустрэлі.
Птушкі з выраю прыляцелі.

• Васіль Жуковіч — Зіма
• Васіль Жуковіч — Адляцелі жураўлі
• Васіль Жуковіч — Жураўліны вырай
• Васіль Жуковіч — Першы снег
• Васіль Жуковіч — Слухай родную прыроду