творы:алесь-гарун:алесь-гарун-ветру
Алесь Гарун — Ветру
Ветрэ, ветрэ вольны,
Стой, зрабі паслугу!
Буду спосаб меці,
Аддзякую другу.
Злётай, лёгкі, борзда
Ў край, адкуль я родам, −
Бацьку, матку ўбачыш,
Мілую заходам;
Ўбачыш гэнам, ворле,
Ў краю тым – старонцы:
Брат мой беларусін
Гібее без слонца.
Ім усім паклонам
Нізкім ты скланіся,
Хай жывуць, красуюць…
А потым вярніся.
Гэта скажаш, браце,
Мне, што там убачыў.
Буду спосаб меці,
Паглядзіш, аддзячу!
1909
Падобныя старонкі
творы/алесь-гарун/алесь-гарун-ветру.txt · Апошнія змены: 2025/08/23 15:41 — vedybeadmin