Ветрык ціха гушкаў
Сойку на сасонцы.
Сакаталі птушкі:
– Дзе начуе сонца?..

– Ды ў цырку, няйначай,
Бо ўвесь дзень не плача,
А весела скача,
Як чырвоны мячык!..

– Не ў цырку, а ў склепе
Фар і батарэек,
Бо чаму так слепіць,
Бо чаму так грэе?

– Не! За агародам,
У маку агністым,
Там, дзе пчолкі мёдам
Пахнуць залацістым!..

Толькі задрамала
Сойка на сасонцы:
Спала і не чула,
Дзе начуе сонца!..

• сонца-не-стаіць-на-месцы
• Васіль Вітка — Хто памагае сонцу
• гімн-жыццю
• Эдзі Агняцвет — Галоўны дворнік
• Якуб Колас — Усход сонца