Думка — невялікі лірычны верш элегічнага ці баладнага зместу, у якім выяўляецца глыбокі роздум паэта аб праблемах грамадскага ці асабістага жыцця.
Форму думкі шырока выкарыстоўваў геніяльны ўкраінскі паэт Тарас Шаўчэнка. Першая думка у беларускай паэзіі належыць Францішку Багушэвічу («Думка»).
Думкі пісалі Янка Купала («Мае думкі», «Да сваіх думак», «Думка», «Думкі маркотныя», «Думкі перад вясной»), Якуб Колас («Думкі», «Думы», «…Думкі ўюцца, томяць грудзі»). Да гэтай формы верша звяртаўся Максім Танк («Эх вы, песні…»).
У сённяшняй паэзіі думка ўжываецца вельмі рэдка.

• Тарас Шаўчэнка — Думка
• Алесь Гарун — Мае думкі
• Алесь Гарун — Начныя думкі
• Францішак Багушэвіч — Думка