(па народных матывах )

Адшукаў лапату кот
І пайшоў на агарод.
Як сапраўдны рыбалоў
Накапаў там чарвякоў.
Прыхапіў вядро,
Запалкі
І пакрочыў
На рыбалку.
Будзе рыбу кот лавіць,
Будзе юшку кот варыць.
Сеў на беразе ракі.
У здзіўленні рыбакі:
– Як без вуды будзеш
Ты, брат, рыбу вудзіць?
– А навошта вуда тая,
Калі хвост я доўгі маю?
Начаплю
Чарвяка
І злаўлю
Шчупака!
У цянёчку
Пад кустом
Вудзіў Рыбу
Кот
Хвастом.
Позна вечарам дамоў
Крочыў сумны рабалоў.

• на-рыбалцы
• Яўген Крупенька — Ёсць у кожнага з нас...
• Яўген Крупенька — Алёнка
• Якуб Колас — Рыбакі
• Яўген Крупенька — Мама хлеб дзяліла