Позірк пяшчотны злаўлю,
Светлы, нібы ад пшаніцы:
— Хочаш, пярсцёнак куплю,
Хочаш — вазьму завушніцы.

Ты клапаціўся дарма:
Вока на цацкі не мела.
Столькі мне год, што й сама
Я абдарыць бы хацела.

Як зажуруся ў жыцці —
Хоць бы маленькую ўцеху!
А да цябе — не дайсці,
А да цябе — не даехаць.

Ты мой заступнік адзін.
Высахлі слёзы. Не плачу.
Дык хоць у сне пакладзі
Рукі на лоб мой гарачы.

• яўгенія-янішчыц/яўгенія-янішчыц-ты-пакліч-мяне-пазаві
• яўгенія-янішчыц/яўгенія-янішчыц-мова
• яўгенія-янішчыц/яўгенія-янішчыц-каліна-зімы
• яўгенія-янішчыц/творчасць-яўгеніі-янішчыц
• яўгенія-янішчыц/яўгенія-янішчыц-свята-пірага