Гэта старая версія дакумента!

Янка Сіпакоў — Запрашэнне ў раніцу

Там
Да хрусту ў галінах
Пацягваюцца спрасоння бярозкі
I атрасаюцца ад імху і лісця
Баравікі.

Там,
Паколаты яловымі лапкамі,
Выходзіць з лесу густы туман,
Якім накрываліся зайчаняты
Ноччу.

Там
Спрабуюць галасы птушкі
I настройваюць на вясёлую песню
Свае адсырэлыя за ноч
Жалейкі.

Там,
Нібы тварык твайго смяшлівага сына —
Ружовага ад палётаў у сне, —
Выглядвае, як з-пад коўдры,

з-за лініі гарызонта

Сонца.

Спяшайце
У ціхую раніцу гэткую
Усе, хто хоча пачуць,
Як, слізгануўшы па расіне, звініць
Першы промень.

Падобныя старонкі

янка-сіпакоў/янка-сіпакоў-перавернуты
янка-сіпакоў/янка-сіпакоў-клетка
янка-сіпакоў/янка-сіпакоў-як-спакайней
янка-сіпакоў/янка-сіпакоў-лета-з-мятлушкай
янка-сіпакоў/янка-сіпакоў-заміра