Нялёгка з пушчай вольнай разлучыцца
I апынуцца ў цеснакутай клетцы…
Кідаецца ва ўсе бакі ваўчыца
I на свабоду вырвацца імкнецца.

Ды сталь крышыць – замала ў яе сілы.
Яна прылегла ціхенька ў знямозе.
Прылегла… I, тужлівая, завыла
Па ваўчанятах родных, па бярлозе.

Кранаў за сэрца голас яе слабы,
Хоць ён і з пашчы воўчае выходзіў.
Яна ж праз краты высунула лапы –
Хай хоць яны пабудуць на свабодзе.

• янка-сіпакоў/янка-сіпакоў-клетка
• янка-сіпакоў/янка-сіпакоў-лета-з-мятлушкай
• янка-сіпакоў/янка-сіпакоў-заміра
• янка-сіпакоў/янка-сіпакоў-як-спакайней
• янка-сіпакоў/янка-сіпакоў-перавернуты