А хто там ідзе, а хто там ідзе
У агромністай такой грамадзе?
– Беларусы.

А што яны нясуць на худых плячах,
На руках ў крыві, на нагах у лапцях?
– Сваю крыўду.

А куды ж нясуць гэту крыўду ўсю,
А куды ж нясуць на паказ сваю?
– На свет цэлы.

А хто гэта іх, не адзін мільён,
Крыўду несць наўчыў, разбудзіў іх сон?
– Бяда, гора.

А чаго ж, чаго захацелась ім,
Пагарджаным век, ім, сляпым, глухім?
– Людзьмі звацца.

• янка-купала/тэма-народнага-жыцця-і-любоў-да-радзімы-
• янка-купала/драматургічнае-майстэрства-янкі-купалы
• янка-купала/янка-купала-пясняр-беларускага-народа
• янка-купала/тэма-паэта-і-паэзіі-ў-творчасці-янкі-куп
• янка-купала/пошукі-героямі-шляхоў-да-шчаслівага-жыцц