(Малітва)

Музыка Міколы Равенскага

О, Божа Ўсяўладны, о, Божа Магутны,
Пазбаў Беларусь ад напасці;
Дай волю краіне, і нам шматпакутным
Дай сілу, надзею і шчасце!

Цябе, Божа, молім у спеве сугучным:
З’яві сваю добрую волю!
О, Божа Ўсяўладны, о, Божа Магутны,
Пайшлі нам шчаслівую долю!

Мы – дзеці твае, мы з пакораю просім:
Пазбаў нас ад цяжкае мукі!
Мы лёс Беларусі і наш лёс прыносім
Табе ў справядлівыя рукі.

О, Божа Ўсяўладны, о, Божа Магутны,
Пазбаў Беларусь ад напасці;
Дай волю краіне, і нам шматпакутным
Дай сілу, надзею і шчасце.

Жнівень 1946 г.

• малітва
• генадзь-бураўкін/генадзь-бураўкін-малітва
• ларыса-геніюш/ларыса-геніюш-малітва
• янка-купала/янка-купала-мая-малітва
• сяргей-грахоўскі/сяргей-грахоўскі-вячэрняя-малітва