У калгасе нашым Янка –

Слаўны баяніст,

Камсамолец працавіты, –

Добры трактарыст.

Сёння ў клубе вечарынка

Ўжо шуміць даўно.

Пазірае ў клуб лагодна

Месяц праз акно.

Во дзяўчаты заспявалі,

Янка ўміг да іх.

Ён усіх баянам цешыць –

Маладых, старых.

Заспяваў Янук пра Нёман, –

Клуб увесь прыціх.

Спеў прывабны, спеў натхнёны

Захапляе ўсіх.

А як рушыў Янка ў танцы –

Задрыжэў наш клуб,

Бура воплескаў навокал:

Янка ўсім нам люб.

У калгасе нашым Янка –

Слаўны баяніст,

Камсамолец працавіты, –

Добры трактарыст.

Крыніца: Журба Я. Вершы. Мн., «Нар. асвета», 1970. – 144 с.

• янка-журба/янка-журба-вясна-ідзе
• янка-журба/янка-журба-братняй-украіне
• янка-журба/янка-журба-коцік
• янка-журба/жыццёвы-і-творчы-шлях-янкі-журбы
• янка-журба/янка-журба-залацісты-вечар-дагарае