Гэта старая версія дакумента!

Янка Журба — У школу

Сонейка зірнула
Ў мёрзлае акно,
Іскрамі заззяла
Дзіўна так яно.

Раненька прачнуўся
Хлопчык Васілёк
I ў акно убачыў
Светленькі дзянёк.

Жыва ён памыўся,
Паўтарыў урок,
Скоранька паснедаў
З таткам Васілёк.

Сёння дзень вясёлы,
Ззяе яснатой:
Добра бегчы ў школу
Дзеткам грамадой.

За акном, як срэбра,
Скрозь бялеўся снег.
Хлопчык хутка ў школу
З сябрамі пабег.

1922

Падобныя старонкі

мікола-чарняўскі/мікола-чарняўскі-пайшлі-ад-нас-канікулы
вясковы-асветнік
дарога-ў-школу
авяр-ян-дзеружынскі/авяр-ян-дзеружынскі-хто-вас-у-школу-сабі
кастусь-жук/кастусь-жук-урок