Зажурыўся лес шумлівы,
Дрэвы жаласна шумяць.
На галінках, на сучочках
Зоркі-кропелькі вісяць.

Не шчабечуць ужо болей
Птушкі звонкія ў палях,
I не лётаюць вясёла
Матылёчкі на лугах.

Няма кветачак у полі,
Не красуе васілёк,
I не ззяе пазалотай
Поле жытняе здалёк…

Не журыцеся вы, дзеткі,
Зноў к нам вернецца вясна,
Зноў цяпло, святло і кветкі
Прынясе з сабой яна.

1923

• янка-журба/жыццёвы-і-творчы-шлях-янкі-журбы
• янка-журба/янка-журба-вясна-ідзе
• янка-журба/янка-журба-залацісты-вечар-дагарае
• янка-журба/янка-журба-братняй-украіне
• янка-журба/янка-журба-коцік