Кветачкі сінія,
Як май, прыгожыя

Вясной раджаліся,
Ў расе купаліся.

Усходзіць сонейка,
Заходзіць сонейка –

Пялёсткі сінія
Расою іскрацца.

Во пчолка звонкая
Хінецца к венчыку;

Ўвесь дзень праменісты
Збірае мёд яна.

Вось матылёк мільгнуў
Сняжынкай белаю;

Яму тут весела
У ззянні сонечным.

Прыйшла дзяўчынка ў луг,
Прыйшла маленькая,

Нарвала кветак шмат
Рукой рупліваю.

Яна спляла сабе
Вянок прыгожанькі,

Пайшла па полі з ім
З вясёлай песняю:

«Кветачкі сінія,
Як май, прыгожыя

Вясной раджаліся,
У расе купаліся…»

• васіль-вітка/васіль-вітка-казкі-і-краскі
• міхась-зарэцкі/міхась-зарэцкі-кветка-пажоўклая
• змітрок-бядуля/змітрок-бядуля-кветка
• уладзімір-дубоўка/уладзімір-дубоўка-верас
• васіль-зуёнак/васіль-зуёнак-гарлачык