Урывак з паэмы «Сымон-музыка»

Брацце мае, беларусы!
У той кнізе людскіх спраў
Сам лёс, мусіць, для спакусы
Гэты край нам адзначаў.
Тут схадзіліся плямёны
Спрэчкі сілаю канчаць,
Каб багата адароны
Мілы край наш зваяваць,
А нас цяжка ў сэрца раніць,
Пад прыгон узяць навек,
Нашы скарбы апаганіць,
Душу вынесці на здзек,
Каб у віры той ашукі
Знішчыць нашы ўсе сляды,
Каб не ведалі і ўнукі,
Хто такія іх дзяды.
І лілася кроў нявінна,
Швед набытак наш паліў,
А ўрад царскі самачынна
Тут гвалтоўнасці тварыў,
Будаваў астрог народу
І барбарскім капылом
Мерыў волю і свабоду,
А культуру нёс з казлом.
І без жалю капытамі
Конь казацкі тут ступаў
І збажынку з ярынамі
Талачыў і драсаваў.

• Паэма «Новая зямля» — мастацкая энцыклапедыя жыцця беларускага сялянства
• Творчасць Якуба Коласа
• духоўнае-багацце-чалавека-ў-паэме-новая-
• Карціны роднай прыроды ў паэме «Новая зямля». Жанравыя асаблівасці паэмы
• Служэнне народу — асноўны абавязак мастака. Паэма «Сымон-музыка»