Прыбег прамень, ад сонца ясны веснік,
I абвясціў людзям: вясна ідзе!
Выходжу я сустрэць красуню песняй
I прывітаць той песняю людзей.

Не першы раз выходжу на спатканне,
I гэтак верыць хочацца вясне.
Ў грудзях жыве вялікае каханне,
Ў якім прызнацца ўсё ніяк не смеў.

Кахаю моцна, горача, праўдзіва
I песню запяваю ля крыніц,
Хай вецер веснавы над ёй шуміць.

Красуй, вясна, як і мая Радзіма!
Вясёлкаю стаіш ты уваччу, –
З табой і для цябе я жыць хачу.

1957 г.

• вянок-санетаў
• максім-багдановіч/максім-багдановіч-санет-замёрзла-ноччу-ш
• максім-багдановіч/максім-багдановіч-санет-паміж-пяскоў-егі
• янка-купала/янка-купала-для-зямлі-прадзедаў-маіх
• санет