Пра шчасце ў дзяўчынкі спыталі.
Дзе шчасце, спыталі ў яе.
А шчасце – блакітная далеч.
А шчасце – што птушка пяе.

А шчасце – пабегчы сцяжынкай,
дзе сінню цвітуць васількі;
лічыць на далонях дажджынкі
і плесці над рэчкай вянкі.

А шчасце – з сябрамі на ўроку
адказ у задачы знайсці.
Дадому паспешлівым крокам
да роднай матулі ісці.

А шчасце – плыць ціха на лодцы
сярод беласнежных лілей.
А шчасце – у роднай старонцы,
якая за ўсё даражэй.

• проста-радасць
• янка-сіпакоў/янка-сіпакоў-шчасце
• шчасце
• змітрок-бядуля/змітрок-бядуля-шчасце-не-ў-золаце
• максім-танк/максім-танк-шчасце